माझ्या ओल्या सांजवेळा..तुझ्या मिठित रुजाव्या..
त्या नभाच्या कुशीत..जशा चांदण्या निजाव्या..
तुझ्या डोळ्यात पाहता..यावी गालावरी लाली..
जशा पहाटदवात..उगा कळ्या मोहराव्या...
तु हात हाती घेता..मी तुला बिलगावे..
त्या किनाऱ्याला जशा..धुंद लाटा बिलगाव्या...
तुझे साखरेचे ओठ..माझ्या ओठांना भिडता..
मंद श्वासांच्या लहरी..आसमंती दरवळाव्या..
फक्त तुझा नि माझाच वसावा इवलासा गाव..
मी प्रेमात भिजावे..प्रेमसरी बरसाव्या...
सूर्य भेटता जळासी..व्हावे शांत आसमंत..
सारे सरावे बोलणे..मागे स्पर्शखुणा उराव्या...
- - अंतरा...
(कश्ती सलिम शेख.)
Tuesday 23 January 2018
स्पर्शखुणा...
Subscribe to:
Post Comments (Atom)
Khup Bhari Didu ❤️🤗
ReplyDelete